Twa Corbies

As I was walking all alane,
I heard twa corbies making a mane;
The tane unto the t’ither say,
‘Where sall we gang and dine today-o?’

‘In behint yon auld fail dyke,
I wot there lies a new slain knight;
And naebody kens that he lies there,
But his hawk, his hound, and lady fair.

‘His hound is to the hunting game,
His hawk to fetch the wild-fowl hame,
His lady’s taken another mate,
So we shall mak our dinner sweet.

‘Ye’ll sit on his white hause-bane,
And I’ll pike out his bonny blue een;
Wi ae lock o his gowden hair
We’ll, theek our nest when it grows bare.

‘Mony a one for him makes mane,
But nane sall ken where he is gane;
Oer his white banes, when they we bare,
The wind sall blaw for evermair.’

 

 

Subscribe for Free Music

You'll get a Ton of Free MP3s just for signing up.

Plus, I'll send you a free CD (you just pay the shipping).

Then there's podcasts, videos, and stories.

And that's just the beginning...